توت عنخ آمون

من عهد ما كتفوك في القبر يا فرعون
داست بلادك ملل من كل شكل و لون
و خلصوا منا تار موسى و تار هارون
و بعد جور الزمان و اللي جرى فينا
ظهرت لما بقى لك في المنامة قرون
----------------------
موش عيب عليك تستخبى نص مليون حول
و كل من جاك بلادك يسأل أبو الهول
لا يبوح بسرك لابمشاورة و لا بالقول
و جا الزمان اللي بيلاقوا المناجم فيه
قضيب عليك لورد بيفتش على بترول
------------------------
في مصر كنت الملك لك جيش و لك حامية
في دوله غير دولتك ما تتعمل موميا
و أمه غير أمتك ما تزرع البامية
و لما خشوا عليك المقبرة يلاقوك
نايم مفتح و لكن في بلد عامية
--------------
للشاعر بيرم التونسي
مع تحياتي